1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
73
74
75
76
77
78
79
80
81
82
83
84
85
86
87
88
89
90
91
92
93
94
95
96
97
98
99
100
101
102
|
---
title: Eiks an Ens 31
summary: >-
The 2024 Sangschaw is open for submeissions! Forby, lairn about a new lug-in guide at Lithgae
Pailace and an upcomin album release bi our ain Wullie Hershaw.
---
## Sangschaw open for submeissions!
Our annual scrievin competeition, the _Sangschaw_, is open for submeissions until the 31st o Januar!
As ey, we will provide feedback for ilka entry nae maiter whither ye win a tassie or no. There’s no
mony competeitions provide feedback on entries, but we think it’s important tae help writers
develop. We hae three tassies:
- The **Robert McLellan Tassie for Scots Prose**: up til 3000 wirds o oreiginal Scots prose.
- The **John MacPhail Law Tassie for Owersettin**: up til 3000 wirds o oreiginal owersettin intil
Scots frae anither leid. Provide alang wi a copy o the oreiginal text.
- The **Hugh MacDiarmaid Tassie for Poesie**: up til 60 lines o oreiginal Scots poesie.
New writers and auld haunds ar aa walcome, sae dinnae be blate! We luik forrit tae haein your
entries!
It’s £5 for ae submeission, or £12 for three, whither in the same categorie or in different
categories. Ye can either submit by email or by post.
### Submittin by email
Gin ye want tae submit by email, first pey by bank transfer til the follaein account. Mind it’s £5
per submeission or £12 for three.
<dl>
<dt>Account nem</dt>
<dd>Scots Language Society</dd>
{' '}
<dt>Account number</dt>
<dd>00153458</dd>
<dt>Sort code</dt>
<dd>83 47 00</dd>
</dl>
Syne, send your entries til [failte@go-plus.net](mailto:failte@go-plus.net) alang wi pruif o
peyment. For ensaumple, you could send a photae o your bank statement, or a copy o the transaction
reference.
### Submittin by post
Gin ye want tae submit by post, send them wi cash or cheque as weill as your nem and your return
address on a separate sheet o paper til the follaein address:
<address>Sangschaw c/o 6 Dryden Place Edinburgh EH9 1RP</address>
Mind it’s £5 per submeission or £12 for three. Address ony cheque til the Scots Language Society.
## Upcomin album release: _Leid_
Our ain Wullie Hershaw will shuin be releasin a new album o contemporar Scots sangs titled _Leid_.
It will be comin early in the new year, sae haud tuned in!
For tae whet your appetite, you can
[lug in til the title track on YouTube](https://www.youtube.com/watch?v=23YYajAFNHQ). Ye can forby
pree the muisical wark o his group,
<a href="https://thebowhillplayers.bandcamp.com">the Bowhill Players on Bandcamp</a>.
## New lug-in guide at Lithgae Pailace
This winter, the guid fowks at Historic Environment Scotland hae owerset their lug-in guides for
veisitors intil Scots for the first time. The aim is tae promuive the status o the Scots leid as
weill as tae gie veisitors the opportunitie tae hear the vyces o the court in somethin like their
ain leid.
Ye can read mair
[about the new lug-in guides on the Historic Environment Scotland wabsteid](https://hes-newsroom.prgloo.com/news/new-scots-lug-in-guide-at-lithgae-palace).
As faur as we ken, this is first sic ventur, no juist bi Historic Environment Scotland, but frae ony
major tourist attraction. Can onybody mind o ocht similar? Answers on a postcaird pleise!
## No received Lallans 103 yet?
It haes cam tae the notice o George, our membership secretar, that thare haes been a mishanter wi
the postin o _Lallans_ 103. Twa memmers, baith subscribers awed _Lallans_ 103, didnae receive thair
copies.
Gin ye haenae yet received yer copy o _Lallans_ 103, that he postit out on Wadnesday 7th o November,
pleise email George at [georgetwatt@hotmail.com](mailto:georgetwatt@hotmail.com) an mak us ken o it.
A copy o _Lallans_ 103 will be postit out tae ye straucht awa!
## New format for Eiks an Ens
Auld freinds will mind that _Eiks an Ens_ haes formerlie been a leiterar magazine tae accompanie
_Lallans_. We on the Comatee felt that this didnae gie Eiks an Ens the distinct purpose that it
deserved, and it didnae tak fu advauntage o the opportunitie _Eiks_ affuirdit tae jeel our
communitie thegether.
Sae this is the first issue o _Eiks_ tae tak a new format, whaur we’ll be ettlin tae skair current
affairs i the warld o Scots leid and leitratur, especially whaur it effeirs directly til our
membership.
Sae send us in your inside information! Gin ye’ve spottit somethin you think we shuid skair in the
neist _Eiks_, send it til lallans@hotmail.co.uk.
|
