1 files changed, 116 insertions, 0 deletions
diff --git a/src/content/news/sco/2023-12-10-eiks-31.mdx b/src/content/news/sco/2023-12-10-eiks-31.mdx
new file mode 100644
index 0000000..3569788
--- /dev/null
+++ b/src/content/news/sco/2023-12-10-eiks-31.mdx
@@ -0,0 +1,116 @@
+---
+title: Eiks an Ens 31
+summary: >-
+  The 2024 Sangschaw is open for submeissions! Forby, lairn about a new lug-in
+  guide at Lithgae Pailace and an upcomin album release bi our ain Wullie
+  Hershaw.
+---
+import Link from '$components/Link.astro';
+
+## Sangschaw open for submeissions!
+
+Our annual scrievin competeition, the _Sangschaw_, is open for submeissions
+until the 31st o Januar! As ey, we will provide feedback for ilka entry nae
+maiter whither ye win a tassie or no. There’s no mony competeitions provide
+feedback on entries, but we think it’s important tae help writers develop. We
+hae three tassies:
+
+- The **Robert McLellan Tassie for Scots Prose**: up til 3000 wirds o oreiginal
+  Scots prose.
+- The **John MacPhail Law Tassie for Owersettin**: up til 3000 wirds o
+  oreiginal owersettin intil Scots frae anither leid. Provide alang wi a copy o
+  the oreiginal text.
+- The **Hugh MacDiarmaid Tassie for Poesie**: up til 60 lines o oreiginal Scots
+  poesie.
+
+New writers and auld haunds ar aa walcome, sae dinnae be blate! We luik forrit
+tae haein your entries!
+
+It’s £5 for ae submeission, or £12 for three, whither in the same categorie
+or in different categories. Ye can either submit by email or by post.
+
+### Submittin by email
+
+Gin ye want tae submit by email, first pey by bank transfer til the follaein
+account. Mind it’s £5 per submeission or £12 for three.
+
+<dl>
+  <dt>Account nem</dt>
+  <dd>Scots Language Society</dd>
+
+  <dt>Account number</dt>
+  <dd>00153458</dd>
+
+  <dt>Sort code</dt>
+  <dd>83 47 00</dd>
+</dl>
+
+Syne, send your entries til
+<Link href="mailto:failte@go-plus.net">failte@go-plus.net</Link> alang wi pruif
+o peyment. For ensaumple, you could send a photae o your bank
+statement, or a copy o the transaction reference.
+
+### Submittin by post
+
+Gin ye want tae submit by post, send them wi cash or cheque as weill as your nem
+and your return address on a separate sheet o paper til the follaein address:
+
+<address>
+  Sangschaw  
+  c/o 6 Dryden Place  
+  Edinburgh  
+  EH9 1RP  
+</address>
+
+Mind it’s £5 per submeission or £12 for three. Address ony
+cheque til the Scots Language Society.
+
+## Upcomin album release: _Leid_
+
+Our ain Wullie Hershaw will shuin be releasin a new album o contemporar Scots
+sangs titled _Leid_. It will be comin early in the new year, sae haud tuned in!
+
+For tae whet your appetite, you can
+<Link href="https://www.youtube.com/watch?v=23YYajAFNHQ">lug in til the title track on YouTube</Link>.
+Ye can forby pree the muisical wark o his group,
+<Link href="https://thebowhillplayers.bandcamp.com">the Bowhill Players on
+Bandcamp</Link>.
+
+## New lug-in guide at Lithgae Pailace
+
+This winter, the guid fowks at Historic Environment Scotland hae owerset their
+lug-in guides for veisitors intil Scots for the first time. The aim is tae
+promuive the status o the Scots leid as weill as tae gie veisitors the
+opportunitie tae hear the vyces o the court in somethin like their ain leid.
+
+Ye can read mair
+<Link href="https://hes-newsroom.prgloo.com/news/new-scots-lug-in-guide-at-lithgae-palace">about the new lug-in guides on the Historic Environment Scotland wabsteid</Link>.
+
+As faur as we ken, this is first sic ventur, no juist bi Historic Environment
+Scotland, but frae ony major tourist attraction. Can onybody mind o ocht
+similar? Answers on a postcaird pleise!
+
+## No received Lallans 103 yet?
+
+It haes cam tae the notice o George, our membership secretar, that thare haes
+been a mishanter wi the postin o _Lallans_ 103. Twa memmers, baith subscribers
+awed _Lallans_ 103, didnae receive thair copies.
+
+Gin ye haenae yet received yer copy o _Lallans_ 103, that he postit out on
+Wadnesday 7th o November, pleise email George at
+<Link href="mailto:georgetwatt@hotmail.com"> georgetwatt@hotmail.com</Link> an
+mak us ken o it. A copy o _Lallans_ 103 will be postit out tae ye straucht awa!
+
+## New format for Eiks an Ens
+
+Auld freinds will mind that _Eiks an Ens_ haes formerlie been a leiterar magazine
+tae accompanie _Lallans_. We on the Comatee felt that this didnae gie Eiks an
+Ens the distinct purpose that it deserved, and it didnae tak fu advauntage o
+the opportunitie _Eiks_ affuirdit tae jeel our communitie thegether.
+
+Sae this is the first issue o _Eiks_ tae tak a new format, whaur we’ll be
+ettlin tae skair current affairs i the warld o Scots leid and leitratur,
+especially whaur it effeirs directly til our membership.
+
+Sae send us in your inside information! Gin ye’ve spottit somethin you think
+we shuid skair in the neist _Eiks_, send it til lallans@hotmail.co.uk.