1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32
33
34
35
36
37
38
39
40
41
42
43
44
45
46
47
48
49
50
51
52
53
54
55
56
57
58
59
60
61
62
63
64
65
66
67
68
69
70
71
72
|
---
title: Eiks an Ens 32
summary: The Collogue on the 8t o June, and ither news.
---
## Annual Collogue, 8t June: _Scots in Education_
We will be haudin oor Annual Collogue on Setterday the 8t o June!
The venue will be the Sandeman Room in the AK Bell Library, Perth. It will rin
frae 9.30am until 5pm.
Oor theme this year will be _Scots in Education_. This is parteicular topical
this year, gien the apenin o the first teacher trainin programme effeirin til
teachin the Scots leid. We ar excitit tae walcome a wheen o braw spikkers tae
gie us their thochts on this wechtie maiter!
Forby, we luik forrit tae haein winners frae this year’s Sangschaw competeition
read their warks.
We will be releasin the fu programme o events gey shuin. In the meantime, get it
in your diaries!
## Sangschaw 2024 winners annoonced
As detailed in [oor lest news post](/sco/news/2024-03-25-sangschaw-winners), we
hae annoonced the winners o the 2024 Sangschaw. Oor congratulations til aw the
winners, an til awbody that submittit. The qualitie was heicher than iver afore
quo oor eiditor, Wullie, and there wis mair submeissions nor iver afore, sae
we aw hae somethin tae be pleised aboot!
## Album release: _LEID_
We said in oor lest issue that Wullie wis aboot tae pit oot his new album wi the
Bowhill Players: weill, gin you misst it, the album is oot! You can listen tae
it and [cowp it on Bandcamp](https://thebowhillplayers.bandcamp.com/album/leid)
for doonload or as a CD. In this scriever’s opeinion, it’s no somethin you want
tae miss!
## Beuk launch: _Library of Aethers_
The folk singer Alasdair Roberts will be in conversation wi Wullie Hershaw about
his new beuk, _Library of Aethers_, an ingaitherin frae his rare an sindry
lyric beuks. It includes ower 70 oreiginal texts frae his youth til the nou, and
owersettins intil Portuguese, Gaelic an, o coorse, Scots.
The event will be in Kirkcaldy on Friday the 19t o April. You can cowp
[tickets til the beuk launch online](https://www.ticketsource.co.uk/whats-on/kirkcaldy/the-kitchen-treasury/library-of-aethers-book-launch-w-alasdair-roberts-and-william-hershaw/e-jbxzld).
## SPL pamphlet fair
We will be amang a wheen o staws at the
[Scottish Poetry Library Pamphlet Fair](https://www.scottishpoetrylibrary.org.uk/spl-pamphlet-fair-2023/)
in Embro on Setterday the 27t o April. Entry is free, 11am til 3pm at the
Scottish Poetry Library on Crichton Street.
## Scottish Leids Bill
The Scottish Leids Bill continues tae daunder its wey throu the legislative
process. The Associe haes submittit its contribution til the public consultation
that will be conseidered by the
[Pairliamentary Education Comatee](https://www.parliament.scot/chamber-and-committees/committees/current-and-previous-committees/session-6-education-children-and-young-people-committee).
We hae expresst oor support for the principles o the Bill, in parteicular that
Scots maun be recogneised as an offeicial leid o Scotland. We tak tent o the
sindry situations o Scots an Gaelic an hae expresst oor concern that these arnae
tret the same.
We howp tae furthset oor hale submeission til the Education Comatee in due
coorse.
Meanwhyle, we howp that the Education Comatee will conseider oor submeission and
will conseider cawin us for tae present evidence in person.
|
