---
title: Sangschaw 2025
summary: >-
  The Sangschaw opens for entries,  Wullie Hershaw launches his poetic
  reflections on the 1984 Miner's Strike, and Grace Stewart-Skinner needs your
  help tae complete an aesome project.
---

## Sangschaw 2025

Our annual scrievin competeition, the _Sangschaw_, is open for submeissions
until the 31st o Januar! As ey, we will provide feedback for ilka entry nae
maiter whither ye win a tassie or no. There’s no mony competeitions provide
feedback on entries, but we think it’s important tae help writers develop. We
hae three tassies:

- The **Robert McLellan Tassie for Scots Prose**: up til 3000 wirds o oreiginal
  Scots prose.
- The **John MacPhail Law Tassie for Owersettin**: up til 3000 wirds o
  oreiginal owersettin intil Scots frae anither leid. Provide alang wi a copy o
  the oreiginal text.
- The **Hugh MacDiarmaid Tassie for Poesie**: up til 60 lines o oreiginal Scots
  poesie.

New writers and auld haunds ar aa walcome, sae dinnae be blate! We luik forrit
tae haein your entries!

It’s £5 for ae submeission, or £12 for three, whither in the same categorie or
in different categories. Ye can either submit by email or by post.

### Submittin by email

Gin ye want tae submit by email, first pey by bank transfer til the follaein
account. Mind it’s £5 per submeission or £12 for three.

<dl>
  <dt>Account nem</dt>
  <dd>Scots Language Society</dd>

  <dt>Account number</dt>
  <dd>00153458</dd>

  <dt>Sort code</dt>
  <dd>83 47 00</dd>
</dl>

Syne, send your entries til [failte@go-plus.net](mailto:failte@go-plus.net)
alang wi pruif o peyment. For ensaumple, you could send a photae o your bank
statement, or a copy o the transaction reference.

### Submittin by post

Gin ye want tae submit by post, send them wi cash or cheque as weill as your
nem and your return address on a separate sheet o paper til the follaein
address:

<address>
Sangschaw<br />
c/o 6 Dryden Place<br />
Edinburgh<br />
EH9 1RP<br />
</address>


Mind it’s £5 per submeission or £12 for three. Address ony cheque til the Scots
Language Society.

## Orgreave Stations

Wullie Hershaw, eiditor o _Lallans_, will be hostin the offeicial launch o his
new poetic sequence, _The Orgreave Stations_, at the Scottish Poetry Library
in Embro neist week.

The sonnet sequence reflects on the 1984 Miner's Strike throu the lens o a
radical retellin o the Stations o the Cross.

Get your tickets on [Eventbrite][orgreave-eventbrite]!

## Avoch album project

Musician and proud Avochie [Grace Stewart Skinner][gs-skinner] haes been tyauvin
awa at an album project that ettles tae celebrate the vulnerable dialect o her
hame toun o Avoch, naur Inverness.

Wi the help of corporate funders including Creative Scotland, the chief darg o
research and recordin the vyces o local fowk is else aa but duin. Aa that's else
tae be duin is tae tak it til the studio, but wi fundin for musical projects
bein raither ticht, she's seekin a bittie mair help to get the project ower the
line.

For tae lairn mair or pledge some support for the project, hae a keek at Grace's
[Crowdfunder][avochie-crowdfunder].

[avochie-crowdfunder]: https://www.crowdfunder.co.uk/p/auchies-spikkin-auchie---debut-album#start
[gs-skinner]: https://gracestewartskinner.co.uk
[orgreave-eventbrite]: https://www.eventbrite.co.uk/e/the-edinburgh-launch-of-the-orgreave-stations-by-william-hershaw-tickets-953488699367